hardingrap

Hei alle saman! Lenge sidan Reflectoren har gitt livsteikn frå seg, men no er det litt planar i lufta! Laurdag 21. april skal Fonnafest stilla med program om kvelden på aktivitetshelga til Hardanger Ungdomsråd i Eidfjord. Les meir om den her

I den forbindelse skal Reflector dra eit par gamle svisker og vera oppheitingsartist for Galexy og BlueGem

Etterpå vert det diskotek med Fusa Lyd og Lys.

Dette er på ingen måte eit comeback, men dette er eit så bra arrangement at Hardingrapparen Reflector har bestemt seg for å stilla opp gratis.

Hugs at dei eldste fortsatt er eldst og rappe-moffen Reflector skal dra seg ut av pensojnisttilværinga på gamleheimen, ta fatt gåstolen og bevisa for ungdommen i Hardanger at hardingrapen fortsatt flyt som ei tilja på vatnet!

Er du ungdom i Hardanger og er frå 14 år og oppover bør du dra din lekam inn til Eidfjord 20.- 22. april, for det er der det skjer den helga!

Snakkast brått!

Vyrdsamt "rappe-moffen" Reflector

Hei folkens! Då er den aller siste songen til Reflector som enkelt og greit er kalla for "Siste Vers" lagt ut her på Urørt for gratis nedlasting. Guro er med og bidreg på denne songen som er produsert av Ansane Beats i Canada og pre-produsert og innspelt av Alvin Vestrheim i Lyd i Løo Studio.
Håpar at de vil lasta den ned og at de likar den! Som tidlegare annonsert så legg Hardingrapparen Reflector opp "karriera" no.

Last ned songen her

Sidan den spede start i 2004 har det vore ei utruleg reise og eg har fått oppleva mykje, mykje meir enn eg hadde drøymt om då eg starta med å rappa på Jondaldialekt- noko som i fyrste omhang var meint som spøk- men som utvikla seg til å verta noko meir ut av!

Tusen takk til alle eg har samarbeida med:
Bjørn Otto i Wallcon Lydstudio i Ålvik, Haakon og Stian i Hyperklikk Vokalstudio i Fyllingsdalen, Alvin i Lyd i Løo Studio i Øystese, rapparen Andreas aka Delario.
Bandet mitt: Svein Olav, Anders, Lars Håvard og Guro + Sigmund som takka av som bassist i begynnelsen av fjoråret og Arild B. Nielsen som var med som gjesteartist på trompet på ein magisk konsert i Jondal i fjor sommar.

Tusen takk til alle arrangørane som har latt Reflector og etterkvart bandet få sleppa til på både små og store scener.

Sist men ikkje minst: Tuuuusen takk til fansen som har støtta meg og gjort dette mogleg!!! Eg set uendeleg stor pris på dykk.
Og til alle andre som eg har gløymt: Mange tusen gonger takk til dykk og!

Med beste helsing frå Reflectoren

.....her er ein god gamal song som heiter Draumen de kan lytta til mens de ventar på ny musikk frå Reflector.....

Ja, no nærmar det seg! Fredag så vert Reflector`s aller siste song som er kalla "Siste Vers" lagt ut for gratis nedlasting på NRK Urørt. Guro har også bidrege med si vakre røyst på songen som er spela inn i Lyd i Løo Studio hos Alvin Vestrheim.

Songen er ei gåve til den utrulege fansen som har støtta Reflectoren i desse åra eg har halde på med dette som eigentleg berre byrja som spøk, men som utvikla seg til noko meir....

Sjekk ut bloggen eller www.reflector.no på fredag og last gjerne ned den nye songen :)

Helsing Reflectoren





I 2006 fekk eg tak i ein feit beat frå den amerikanske produsenten Ozone Beats. Turen gjekk til Wallcon Lydstudio i Ålvik for innspeling og miksing. Resultatet vart songen "Min Stil" som vart ein lokal "slager" i Jondal, Kvam og etterkvart mange andre stader. Ein kunne gå i "grova" (Norheimsund sentrum for dei som ikkje er lokalkjente) ein sein laurdagskveld og høyra lyden frå eit vorspiel der det strøymte ut:

"Laga nynorske rim og formen dan e fin

so kom igjen alle samen- sjekk ut min stil

Detta here fonka fett- meir so gape rett og slett

Eg ska proppa deg full med feite beats te du blir mett! "

Last ned songen gratis her

Her kjem ein del bilete frå Lyd i Løo Studio på fredag då Reflector og Guro besøkte Alvin i Løo for å spela inn siste del av songen "Siste Vers"

I kveld har Reflector og Guro vore i Lyd i Løo Studio i Øystese for å spela inn songen "Siste Vers". Namnet seier sitt og dette vert den aller siste songen til Reflector. Reflector spela inn det meste av vokalen sist helg og i kveld har me lagt på Guro sin vokal + endå meir Reflector og laga råmiksen. Med superprodusent Alvin Vestrheim bak spakane så har det blitt sydd saman noko som me me er utruleg stolt av å presentera på eit seinare tidspunkt. No skal songen miksast ferdig fyrst.

Reknar med at songen vert lagt ut for gratis nedlasting i løpet av februar! Fram mot slepp for " Siste Vers" vert det lagt ut både filmklipp og songar for å mimra litt...

Føl med, føl med....

Reflector

I slutten av 2004 byrja eg å rappa på Jondalsdialekt, noko som er heilt unormalt! DIFOR gjorde eg det!  I 2005 fekk eg tak i ein feit beat frå Ozone Beats og songen "Min Stil" vart ein realitet. Dette vart ein lokal hit i Kvam, Jondal og kem veit kor andre stader...Det har vorte fleire innspelingar i Ålvik, Bergen, Jondal og Øystese. Reflector har hatt spelejobbar på stader som Jondal, Norheimsund, Øystese, Ålvik, Bømlo, Lofthus og Tysnes. Sidan våren 2008 med liveband. Tusen takk til alle i bandet som har vore med og bidrege til å rocka opp liveuttrykket! Hausten 2008 ga Reflector ut EP´en "Hardingrap EP". Det byrja som kødd , men vart etter kvart meir seriøst, sjølv om det alltid har blitt framført med glimt i auga, ispedd ein solid porsjon sjølvironi. Reflector har laga sin heilt eigen stil kalla "Hardingrap".  Alt frå fjortisar til bestemødre har nikka nakkar til Reflector sin musikk! Tilbakemeldingane har vore enormt bra og mange har sett pris på å høyra Jondalsdialekten i ei ny og moderne form.

No er det over 6 år sidan det heile starta og det er på tide å avslutta dette kapittelet.

TUSEN TAKK TIL ALLE SOM HAR STØTTA REFLECTOR!

P.s.: Det er ikkje heilt slutt endå....I løpet av februar  vil det koma ein ny song som vert lagt ut for gratis nedlasting.

Helsing Reflectoren

Hardingrapparen Reflector hiv seg på bloggtrenden. Dei neste dagane vil det koma masse info på bloggen...